Ј.П. „Охридски Комуналец“ го оплеменува просторот кој се наоѓа во Урбана заедница Горна Влашка Маала, во близина на чинарот, на аголот од крстосницата на улиците „Питу Гули“ и „Марко Нестороски“. Овој простор ќе добие комплетно нов лик. Во почетната фаза просторот со специјална механизација се расчистува, теренот се израмнува, по што ќе следи реализацијата на партерното решение, со кое е планирано поставување на бехатон подлога, фонтана, клупи и засадување на украсни садници, информираат од претпријатието.
